Startseite
  Über...
  Archiv
  Gästebuch
  Kontakt
 

  Abonnieren
 



  Letztes Feedback



http://myblog.de/riesa-riis-rais

Gratis bloggen bei
myblog.de





(Riis-)Rais, 12.-14.10.08

22:00 Uhr Abfahrt in Kolkata (im Schlafzug)
8:00 Uhr  Ankunft in Siliguri
ca. 10:00 Uhr Weiterreise mit Bus nach Phuentsholing
Anschliessend mit Bus nach Thimphu
Abendstunden: Ankunft in Thimphu

An uu huara Vorfreud, dasmer endlich nach Bhutan choend gah...!

Jaja... so het uesa Plan eigentlich usgseh!..Aaaber miar doerfend nid vergessa dasmer in India sind...
Abfahrt 22:00 Uhr...am Morga am 8:00 Uhr isch aber wiit und breit keis Siliguri uma gsi...!Drfuer hemmer schoeni Ussicht uf Riisfelder kah...nachdem mer aber  5 Stunda z tupfgenaugliicha Feld hend mueassa bestuuna hets ues denn au langsam gnueagelet(dr Riis isch uf uesera Reis also au nid z'kurz cho!)
Schlussendlich simer denn am Abig am 22:00 Uhr, d.h. mit 14 Stund Verspaetig, in Siliguri acho. Denn simmer Hotelsuachend umagwatschlet anstatt Momoaessend imana bhutanesischa Restaurant ghoecklet.
Am negsta Morga hemmer denn ufda 6:00 Uhr Bus wella, wo denn am 7:20 Uhr gfahra isch...ueber holprigi Strasse spickend, dur  schoeni Landschafta kurvend (obwohls eigentli a gradi Strass gsi isch), hemer ues usgmaclt wiamer denn am Abig dur dStrassa vo Thimphu schlenderend. Um di 12i simmer denn in Phuentsholing ( Grenzstadt) acho. Voller Waetz dassmer alli noetiga Stempel innert 20 Min. in uesem Pass ka hend, hemer ues ufda Waeg zur Busstation gmacht...Dr Letschti Bus nach Thimphu hetemer no easy verwuetscht, aaber wia choents au anderst si..dae isch leider volla gsi!
Zum Glueck sind DBhutanesa so fruendlichi und hilfsbereiti Luet, so hemer denn alles kriagt wasmer brucht hend: TElefon, Ticket, Hotel...
Am naegsta Morga isch also wider nuet gsi mit usschlafa, drfuer simer am frueha Namitag denn endlich in Thimphu acho...!

27.10.08 10:19
 


bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)



 Smileys einfügen



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung