Startseite
  Über...
  Archiv
  Gästebuch
  Kontakt
 

  Abonnieren
 



  Letztes Feedback



http://myblog.de/riesa-riis-rais

Gratis bloggen bei
myblog.de





Thimphu...4.-12.Nov. 08...waehrend der Coronation, Centenary Celebration,...

Richtigstellung des nicht ganz ernst zu nehmenden Maerchens

...also n Thailand simmer nid erfolgrich gsi mit uesara  Suachi. Waeg dena Protest gaega d Regiarig, hett sich der Koenig irgendwo verkrocha kah. Doch gluecklicherwiis isch uesi Rais grad wiiter nach Bhutan ganga. In da ersta 3 Wucha hemmer so vil vom 5th King koert, dassmer scho sehnsuechtig druf gwartet hend zum ihn z treffa.
An Fee hett ues zuagfluesteret, dasses am 6. Nov d Moeglichkeit git zum ihn z gseh. Us allna Landesteil sind jung und alt ins wunderpraechtig farbig strahlenda Thimphu pilgeret zum am 5th King en "Gluecksschal" z uebergeh. Wia alli, hend au miarues usaputzt  und di schoensti Kira(traditionelli Kliedig) wommer hend koenna uftriba, agleit. Abr dia doof Fee hett ues nid gsait, dass miar scho hettend soella am 4 am Morgra hettend mueassa go astah, wil am 8i hends denn scho niamert meh inagla. Dr eigentlich event hett denn am 3 am Namitag stattgfunda.
Am negsta Tag simmer denn ohni grossi Hoffniga in ds Stadion go z offiziella Programm mitverfolga. Zum inacho hets es groessers Gedraenge kah als am Frauafeld bim Cypress Hill Konzert...und ueberall sind grueani Kobold gstranda, wo gsunga hend: #feel the rush...oh feel it in the air...#
Denn isches heiss worda. D Sunna hett nemlich vom stahlblaua wolkalosa Himmel ababrennt. Ploetzlich isches ues no heisser worda: Miar hend der frisch kroenti Koenig erblickt. Wia en 2.i Sunna hetter gstrahlt in sinem gelba Umhang, wonner laechlend dur dia vila Luet gloffa ishc. Miar hend leider biz en unglueckliha Platz verwuetscht. His Majesty hett ues drum nur vo ca. 4 m Entfernig choenna zualaechla(und natuerlich umgekehrt...) Voller Zfriedaheit simmer denn am Abed igschlafa und hend vo uesem Prinz traeumt.
Scho isch der negst speziell Tag cho: Geburtstag vor Flu...! D Maegd hend ues extra Momos zum z Morga gmacht...wil d Flu das soooo gaera hett...! Dr Tag hemmer mit verschiedensta Aktivitaeta usgfuellt und mit thimphujanischer Disco abgschlossa...! ...#my dream is to meet his majesty# In dera Nacht hett ues denn en olizist zuagfluesteret, dass mer am negsta Tag der Koenig choend go treffa. Nach wenig Schlaf und no total vertraeumt simmer denn am negsta Morga bir 200m langa Schlanga agstanda. Nach oeppa 3h hemmers denn sogar gschafft zum ins VIP Zelt go hocka. Zwuescha hocha Militaerler hemmer denn geduldig uf da King gwartet. (Gwuessi sind shco am 4h am Morga doet gsi und hend so der ganz Tag muessa in der pralla Sunna warta. Eifach unglaublich, was dia Luet alles duramachend zum his Majesty z gseh...so oeppis wuerend miar fuer da Saemi oder d Michelin niamals macha!)
..und denn isch der Flu ihra groessti Geburiwunsch in erfuellig ganga: ...Flu erinneret sich: Da ischer gstanda His Majesty the 5th King of Bhutan Jigme Khesar Namgyel Wangchuck wonner ues erblickt hett, hetter trotz siner Mueadigkeit strahlend glaechlet und ues 2-3 mal d Hand gschuettlet und mit ues ueber Gott und die welt gschnorrt. Truurig fueagt si hinzua: Leider hemmer nid au da userwaehlta koert, wo es Kuessli kriagt hend. Ui..und zum Glueck hettma ues vorher no zeigt und gsait, wia ehrfuerchtig ma sich gegaueber am Koenig soett beneh, sus waerend miar ihm evt. no um da Hals gfalla...*traeum*
Das Wuchaend vor Koenigskroenig isch der Startschuss gsi fuer  40-taegiga Fest mit bhutanesischer Kilbi, Gluecksspiel, "Gehla"-Staend, klina Kafis und verschiedani Unterhaltigsshows.
DLuet im Land hend gmunklet, dasses langsam aber sicher Ziit waer fuer da Koenig zuma Frau suacha. Dia Chance hend natuerlich au miar nid wella verpassa und hend mit Freuda d Iladig vom Minister Pema entgegagnoh. Bi Spiis und Tanz und foehlichem Gejohle mit Minister, Dashos (...hend au Kontakt mitem Koenig..) und Dr.'s hend mair ues natuerlich vor besta Siita praesentiart, in der Hoffnig, si legend denn es guats Wort bim Koenig i fuer ues.
Wils ues denn leid gsi isch zum d Entscheidig vo his Majesty abzwarta simmer wiiter nach India.

...doch die Hoffnung stirbt zuletzt ...!
          und wenn sie nicht gestorben ist, dann lebt sie noch heute...hahaha...

25.11.08 09:56
 


bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)



 Smileys einfügen



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung