Startseite
  Über...
  Archiv
  Gästebuch
  Kontakt
 

  Abonnieren
 



  Letztes Feedback



http://myblog.de/riesa-riis-rais

Gratis bloggen bei
myblog.de





Hyderabad, 26.-29.11.08

Einfach Luxerioes
33. Folge, Hyderabad (India), 13:30 Uhr SF1
Widerholung: 14. Dezember 7:30 Uhr SF1


Hyderabad
Acho simer ufem eifacha Waeg...mitem Zug ir Sleeperclass..und sind denn wiiter mitema Tuk-Tuk. D Luet im Zug und au d Tuk-Tuk-Fahrer koend z.T. wenigbis gar kei Englisch, so hemer ues wia immer mit Haend und Fueass duragschlaga... Ufem Bahnhof choenntima fuer wenig Geld au an "Culi" astella wo eim zGepaeck treit. Miar hend uesi Rucksaeck jedoch selber pugglet..!
Hyderabad chan natuerli au per Flugzueg erreicht werda. Vo doet gahts denn meistens mit Taxi oder sogar Limusinae wiiter.

Willkomma gheissa het ues denn dMagd vom Prasad(Couchsurfer). Aer isch Awalt und het nid nur ei schoeni Wohnig, sondern gad zwei. Ueses schoena grossa Zimmer mit der Luxustuschi, wo min. 5 verschidani Brause-Iistelliga het, isch in dera Wohnig gsi, wo au dr Prasad und sini Frau lebend...Doet hends meh als nur a "Mini-Bar", nemlich a riiisa Sammlig vo verschidana Spirituosa us der ganza Waelt. Dr Prasad het ues denn au eina vo sina edla Tropfa in goldverziarta Kristallglaeser offeriart..mmh...!

Am negsta Morga het ues dr Privatdriver vo "uesem" Awalt ins Stadtzentrum gfahra, wo miar paar Sacha go aluaga sind und inda Laeda vo da unendlicha Bazarstrassa di verschidensta Sacha  bestuunt hend.. Waehrend ma so dur d Strassa lauft trifft ma au viiel Bettler und anderi armi Luet a, wo meistens biz usserhalb vor Stadt in Blechhuettana oder eifach am Strassarand lebend...Chind in zerlumpta Chleider klammerend sich an eim und loend nuema los in der Hoffnig dasma ina so a Ruppie-Muenza ind Hand druckt...!
Nach astrengender Bangles-Postig simer, wia au di eifacha Luet vo da goend,mitem Local Bus ufda Heiwaeg: holper holper, uu huara ufz Gas, Vollbrems, huuphuup, draengel,stoss,draengel, uf di ein Siiitaschwing,Ellbogawams,...ja so gseht das oeppa us, denn dBuess sind meistens Pumpavolla und ma sich so irgendwia muass an (Steh-)Platz erkempfa...da derbi gits nu ei Regla: dFraua stiiigend vorna und dMaenner hina i!
Hyderabad isch bekannt fuer sini Glasbangles(Armreifa) und au fuer Perla. Bangles hendin India alli Fraua a, egal ob rich oder arm, aber wia au dFrau vom Prasad hend di riichera halt vorallem Gold-& Perlaverziarti, waehrend sich di Aermera nur ganz eifachi leista choend.

Am einta Abig simer mitem Prasad ines Seefoodresti, mit Terassa ufda See, ueberall Liachtli und Live- Hintergrundmusig, go z Nacht essa...miar in uesna Ali Baba Hosa sind ues chli vorcho wia im falscha Film...und sit langem hemer wider mal mit Messer&Gabla gessa...uiuiui hends scho richtig verlernt, aber in dem edla Resti hemer ues drum speziell Mueah geh mueassa!
Wider allai unterwegs ir Stadt hemer imana, ues vor Atmosphaera her vertrautera, Resti zbekannta Hyderabad Biryani gessa. Di Agstellta sind wacker am Hantiera gsi ir Kuchi. Zwueschet Toepf und Haerd hend di einta Roti(Fladabrot) usgwallet, waherend anderi Berga vo Riis ufd Teller ghueft hend. Z Resti saelber: An ruum mit a Huufa Tisch, wo ueberall scho an Kruag Wasser parat staht, oeppa 7 "Kaellner", wo umastoend, as paar Inder wo schmatzend am aessa sind oder ira Tee usem Untertaellerli schluerfend, verschidensti Dueft, da und doet a Kakerlaka, wo probiert unuffaellig zResti zdurquera, a Stand mit vielem Gebaeck ufd strass usa und Im Eggli s lottrigs Bruennali zum Dhaend waescha. Miar hend ues doet richtig wohl gfuehlt, trotz da komischa Blick wo ma uf ues gworfa het, will miar als Uslender mit uuu huara Waetz mit da Haend gspisa hend

Was natuerli nid het doerfa fehla neba allem Sightseeing&Shopping isch zNightlife vo Hyderabad. Dr Prasad het ues, nachdem mr wohl oder uebel eis vo "siina" Abigkleider montiart hend, ind 5stern Hotel TAJ inen club usgfueart. As isch wia imana Film gsi, dr Portier het ues usm Auto gholfa, alli Tuera sind wia automatisch vor ues offa ganga und ufda weicha Sitzglegaheita isch ues denn as professionell igschenkts Bier serviart worda...Miar total ueberforderet, hend nuno Lacha koenna. Abr krass isch, dasma fuer zglicka Geld woma da as Biar kriagt, dussa uder Strass inera eifacha Kneipa unterma Blachatach Hoeckwiis Luet zu mana saelber brennta Schnaps oder sogar zumana ganza ZNacht ilada koennti....!
Wasma aber in eifacha Beiza, sowia in tuera Restaurants findet sind di in Kicheraerbsamehl trooleta frittiarta gfuellta Chillis..."The prro mans rich food" Wia dr Prasad dia Spezialitaet nennt...Zschoena bim Prasad isch, das er nid wia anderi Riichi uf di Aerera oder dia usera tuefera Kasta abaluagt sondern mit ihna plauderet und freudig ufda Portier zuaganga isch und ihm dHand gschuetlet het... Menscha sind alli gliiich, und soettend au so behandlet werda, egal ob arm oder riich..!

 

Obwohls jeenes krass isch, dae riisa Unterschiid zwuescha Rich und Arm so klar vor Auga zgseh unds ues fascht weh tuat, dasmer nuet drgaega macha koend, isches sehr interessant gsi zum das erleba.

10.12.08 17:52
 


bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)



 Smileys einfügen



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung